Научна реалност

Јужнокорејските научници тврдат: Човек не може два пати да се зарази од коронавирус

Според истражувањата на кои се повикуваат, јужнокорејските научници тврдат дека случаите на оздравени пациенти со повторен позитивен тест на коронавирус биле резултат на грешки при тестирањето, објави Скај њуз.

Истражувачите од Центарот за контрола и превенција на болести во Јужна Кореја сега велат дека е невозможно повторно да се појави ковид-19 кај луѓето кои ја преживеале болеста и дека вирусот не може да се реактивира во човечкото тело.

Во Јужна Кореја се откриени повеќе од 10.000 случаи на коронавирус, а 245 лица починале. Стапката на смртност од коронавирус во оваа земја е 2,3 проценти, што е пониско од просекот од 3,4 проценти, како што објави Светската здравствена организација. Се верувало дека 277 лица биле повторно заразени со ковид-19, а слични случаи се забележани во Кина и Јапонија. Ова предизвика загриженост дека вирусот толку брзо мутира што луѓето не развиваат имунитет и може повторно да заразат. Сепак, генетските анализи на вирусот покажаа дека не се менува значително за да се смени имунолошкиот систем.

Поради овие први откритија, Светската здравствена организација им препорача на владите да не воведат таканаречени „пасоши на имунитет“ што ќе им овозможи на луѓето кои оздравеле од „ковид-19“ да се вратат на работа.

Сепак, првите претпоставки не зедоа предвид дека користените тестови не дале добри резултати. Поточно, јужнокорејскиот центар за контрола и спречување на болести заклучи дека постојните тестови не можат да направат разлика помеѓу живите траги од вирусот и безопасните мртви примероци што останале во телото откако ќе се опорави пациентот.

Јужнокорејските експерти, исто така, додадоа дека новиот коронавирус се разликува од другите вируси како ХИВ, кои можат да влезат во човечките клетки и да останат таму долго време пред да се реактивираат.

„Тоа значи дека не може да предизвика хронична инфекција или рецедив“, рече д-р Ох Миунг-дон, првиот човек на Центарот за контрола и превенција на болести во Јужна Кореја. Тој додаде дека тоа значи дека пациентот веројатно нема повторно да се зарази со коронавирус. Но, во иднина е можно коронавирусот, сличен на грипот, да мутира и да зарази луѓе кои претходно го преболеле.

Advertisements
To Top