Со новата сезона се менуваат и модните фаворити. Некои добро познати класични парчиња повторно се враќаат во прв план, а секојдневната облека добива нови облици. Издвоени се шест промени што внесуваат свежина во гардеробата и отвораат простор за поинакви комбинации.
Од фармерки и обувки до јакни и чанти, сезонските трендови носат промена во изборот на модели. Додека едни повторно го привлекуваат вниманието, други, кои ги носевме изминатите сезони, полека се повлекуваат. Еве што добива предност оваа сезона.
Кои модели се во мода, а кои го губат приматот?
Во мода: фармерки со прави ногавици. Во втор план: многу широки фармерки.
По неколку сезони во кои доминираа широките фармерки, повторно се издвојуваат посмирени кроеви. Моделите со прави, благо стеснети ногавици се враќаат меѓу интересните избори за секој ден. Нивната предност е лесното комбинирање со различна облека и обувки: од мокасини и балетанки до чизми. Многу широките модели овојпат им отстапуваат место на појасно обликуваните силуети.
Во мода: чизми со ниска, тенка потпетица. Во втор план: класични чизми со висока потпетица.
Високите потпетици веќе не се единствениот избор за елегантен изглед. Чизмите со ниска, дискретна потпетица се наметнуваат како попрактична можност, без откажување од стилот. Токму спојот на префинет изглед и удобност ја објаснува нивната популарност. Особено добро се вклопуваат со миди здолништа, фустани и панталони со прав крој. Тоа не значи дека треба целосно да се откажеме од чизмите со висока потпетица, но сезонава предност имаат моделите што можат да се носат од утро до вечер.
Во мода: јакна со вграден шал. Во втор план: кошула-јакна.
Меѓу повпечатливите парчиња сезонава е јакната со вграден шал. Овој детаљ е и практичен и декоративен, па внесува интересен акцент дури и во наједноставната комбинација. Наместо дополнително да се избираат модни додатоци, самата јакна веќе има препознатлив изглед. Кошулите-јакни, кои изминатите сезони беа чест избор за слоевито облекување, сега им отстапуваат место на потопли модели со поизразена форма.
Во мода: мокасини од превртена кожа. Во втор план: мокасини со платформа.
Мокасините остануваат меѓу омилените обувки за секојдневно носење, но овојпат се издвојуваат моделите од превртена кожа. Меката текстура, неутралните нијанси и изгледот со ретро призвук ги прават добар избор за есенските и зимските комбинации.
Извор: Lepota i Zdravlje
Учество во игри на среќа е дозволено за лица со 18+ години. Играј одговорно!