Катарина Бајец има прекрасен повод за славење – стана баба. Нејзиниот постар син Јован доби син, кој го носи името Лазар. Радосната вест ја објави на социјалните мрежи, каде што ја сподели и првата фотографија од внукот.
Во објавата таа не ги криеше емоциите, откривајќи колку ѝ значи доаѓањето на новиот член во семејството.
„Драги мои луѓе, станав баба. Мојата прва и најголема љубов, мојот Јован, стана татко на прекрасниот Лазар и ми ја донесе најголемата среќа што може да се замисли“, напиша Катарина Бајец.
Во објавата не го изостави ни помладиот син Филип, кој, како што откри гордата мајка, со воодушевување ја прифатил новата улога во семејството.
„Секако, никако не смеам да заборавам да го споменам чичко Филип, кој од вчера на телефон се јавува со: ‘Чичкото е на телефон’“, се пошегува водителката.
Катарина му упати и посебна порака на внукот, со која насмеа и разнежни многумина.
„Лазар, баба веднаш да се договори со тебе, без да чујат мама и тато: ќе те гали и ќе те разгали до бескрај“, му порача таа.
Раѓањето на внукот отвора ново, посебно поглавје во животот на познатата докторка, која многу рано станала мајка. Јован го родила на само 21 година, додека била на втора година на Медицинскиот факултет.
Со поддршка од семејството успеала да ги усогласи родителските обврски со студиите, да заврши медицина и специјализација и да изгради успешна кариера. Подоцна се етаблирала и како телевизиско лице.
По бројните професионални и животни достигнувања, Катарина Бајец сега ужива во улогата на баба, на која, судејќи според нејзините први зборови, веќе целосно ѝ се препуштила.
Извор: Story.rs
Учество во игри на среќа е дозволено за лица со 18+ години. Играј одговорно!