Некои актерски одлуки можеле да ѝ дадат поинаков тек на филмската историја. Една од нив е и одлуката на Џони Деп да не ја прифати главната машка улога во „Титаник“, за која своевремено бил меѓу кандидатите.
Деп можел да го игра Џек Досон, ликот што подоцна му донесе светска слава на Леонардо ди Каприо. Режисерот Џејмс Камерон го разгледувал за оваа улога, но актерот не бил воодушевен од сценариото.
Подоцна Деп признал дека читањето му било вистинско мачење и дека не успеал да продолжи по петнаесеттата страница.
„Се мачев да прочитам петнаесетина страници од сценариото за ‘Титаник’. Беше ужасно. Не можев да издржам“, раскажал актерот.
Сепак, тоа што не сакал да биде дел од филмот не значело дека се сомневал во неговиот потенцијал. Напротив, Деп верувал дека остварувањето на Камерон ќе постигне огромен успех во кината.
Улогата на крајот ја доби Леонардо ди Каприо, чија кариера по „Титаник“ доби светски размери. За ликот на Џек биле разгледувани и Метју Меконахи, Итан Хок, Крис О’Донел, Кристијан Бејл и Пол Рад.
„Титаник“ стана еден од најголемите кинематографски феномени на сите времиња, а љубовната приказна на Џек и Роуз остана меѓу најпознатите во историјата на филмот.
И без оваа улога, Деп изгради кариера што го вброи меѓу најпрепознатливите актери на неговата генерација. Особено се истакна со соработката со режисерот Тим Бартон, како и со улогите во „Едвард Ножицоракиот“, „Дони Браско“ и „Чарли и фабриката за чоколада“.
Најголемата светска популарност, сепак, ја стекна како неповторливиот капетан Џек Спароу во филмскиот серијал „Пиратите од Карибите“.
Можно враќање како капетанот Спароу
Последниве години сè почесто се споменува можноста Деп повторно да го игра ликот што ја одбележа неговата кариера. Актерот навести дека не ја исклучува соработката со продуцентот Џери Брукхајмер, доколку продолжението биде осмислено на начин во кој тој верува.
Иако „Титаник“ остана една од најголемите пропуштени можности во неговата кариера, Деп покажа дека не му била потребна улогата на Џек Досон за да стане филмска легенда.
Извор: Story.rs
Учество во игри на среќа е дозволено за лица со 18+ години. Играј одговорно!