Добредојде, убавице! Родена е нова ѕвезда на тениското небо и се вика Слоун

Освојувачката на US Open (конечно) го сврте медиумското внимание врз себе.

До пред два-три дена ретко кој знаеше која е всушност Слоун Стивенс. А кога младата и симпатична Американка го освои престижниот US Open, како да го освои и цел свет попатно.

И тоа не само затоа што игра одлично на тениските терени, што резултираше со (иако неочекуван) успех во освојувањето на еден од четирите најпрестижни тениски пехари на светот, туку и затоа што изгледа одлично.

На прв поглед, кога е „средена“, многумина ги потсетува на Наоми Кемпбел во младите години. Нема сомнеж дека новата ѕвезда на тениското небо е родена, па можеме само да порачаме – добре ни дојде, убавице.