Најголемата аргентинска и светска фудбалска ѕвезда, Лионел Меси испрати емотивна порака до својот сонародник Кун Агуеро, кој денес официјално соопшти дека става крај на кариерата.
На Агуеро неодамна му беа дијагностицирани срцеви проблеми, па поради тоа мораше да стави крај на професионалната кариера.
View this post on Instagram
„Речиси ја поминав целата моја кариера заедно со Кун во репрезентацијата на Аргентина. Имавме многу убави моменти, сите тие не натераа да се обединиме повеќе и повеќе и заеднички да се дружиме. И ќе продолжиме да живееме заедно и надвор од теренот. Ја освоивме Копа Америка пред некој месец, а ти во Англија покажа зошто си еден од најдобрите. Вистината дека сега запираш со фудбалот многу боли. Знам дека играњето фудбал те прави среќен, но, јас се надевам дека ќе останеш во овој спорт на некој друг начин“, напиша Меси на социјалните мрежи.
