Пациент му се жали на докторот: – Докторе патам од несоница, не знам што да правам. – Зошто не пробате со стариот трик за спиење – да броите овци? – Не, доктор! Јас сум бизнисмен, ќе ги избројам до крај, па потоа ги товарам на шлепер за продажба, па после цела вечер мозгам колку данок треба да платам.

Шефот го прашува Трпе: – Трпе, зошто постојано доцниш на работа?! – А вие зошто постојано доцните со платата? – Па добро, сепак добиваш плата. – Па еве сепак и јас доаѓам на работа.

Мажите со брада во 1820 година: – Ќе ја убијам оваа мечка со голи раце! Мажите со брада во 2019 година: – Кремов за раце, органски е?

Малиот Трпе го прашува дедо си: – Дедо, дедо, каква книга читаш? – Историска книга. – Каква историска, кога тоа е порно списание?! – За тебе може е порно, за мене е историја.

Сите жени не се исти. Како мислиш – не се исти? Па така. Некои ги интересира и привлекува внатрешната убавина. На пример? Пример: седишта обложени со скапа кожа, најнов климатроник, јако озвучување, контролна табла на допир и слично.

Жената радосно му вели на мажот: Миличок, за роденден ти купив три прслучиња! А мажот видно зачуден: Добро, што ќе му се на маж прслуци? А жената демек разочарана: Ееее, каков си, ништо не цениш. Добро, кога ги нејќеш, ќе си ги носам јас.

Прават муабет двајца другари на 30-годишна возраст, па едниот му вели на другиот: Брат, веќе ми е незгодно да живеам на грбот од мајка ми и татко ми. Другиот прашува: И? Што ќе правиш? Ќе почнеш да работиш? Првиот: Не бе, ќе се преселам некое време кај баба ми и дедо ми.

Децата ја прашуваат мајката: Мамо, само ти работиш од утро до вечер. Зошто тато ништо не работи? А мајката со воздишка одговара: Ах, милички мои. Ако чекав јас на татко ви, ни вас немаше да ве имам.

Перо и Трпе прават муабет. „Трпе, вчера ме прашува малиот дома да му објаснам што е тоа ДДВ“, му вели Перо. „И како му објасни ти?“, го прашува Трпе. „Фатив и му изедов 18% од чоколадото. Цел ден потоа плачеше“.

Жената е чуден феномен. Се буди со телефонот в рака, пие кафе со телефонот, јаде со телефонот, оди во ВЦ со телефонот. Кога ќе ѝ се јавиш, не ти крева. Па уште ти вели и дека не го слушнала телефонот.