Трпе: Наставничке, не сакам да имам кец по хемија, нејќам да одам на полагање. Може да си ја поправам единицата? Наставничката: Арно ти текна, Трпе, многу рано некако. Ај, расположена сум денеска, не сакам да се нервирам со скапаници како тебе, ќе ти пишам одма двојка. Трпе: Што е причината наставничке? Наставничката: Син ми сабајле го кажа првиот збор, парааминоарсенбензолхидрохлорид.

Се договараат дечко и девојка да се сретнат во ресторан, на прв состанок на невидено. Таа: Се чекаме во ресторанот во 7, така? Тој: Да. Таа: А како ќе те познаам? Тој: Лесно. Само јас нема да зјапам во мобилниот.

Учителката ги прашува децата: Деца, ајде сега секој да каже кој е неговиот најстар жив роднина? Јас имам баба, рекло едно девојче. А јас имам прабаба, рекло друго. Едно момче рекло: А јас имам пра пра пра пра прадедо. Но, тоа не е можно, рекла учителката. Детето одговорило: М м м м можно е, у у у у учителке.

Две овци разговараат: Знаеш, се ми се чини дека луѓето не хранат и не пасат само за да го молзат нашето млеко, да ни ги земаат јагнињата, а потоа да не заколат и да не изедат. Лелеее, мори ти пак почна! Преку глава ми е веќе од твоите глупави песимистички теории на заговор. Види, целото стадо ти се смее.

Постар ерген долго време не можел да се ожени. Се ангажирале роднини и пријатели, ги превртеле сите маала, сите околни села, сите околни градови и на крај успеале да му најдат невеста. Ја донел мажот дома својата сопруга, поминала една недела, поминале две и мајка му го гледа како едно утро несреќен седи во дворот и чепка нешто во земјата …

Двајца човекојадци разговараат: Што јадеш ти кога постиш? Морска храна. Е каква е таа морска храна? Нуркачи. А ти? Јас сум вегетаријанец. И што јадеш? Градинари.

Што работиш ти во животот бе, брат? Шофер, брат. Аман бе? Колку земаш плата? Па, над милион евра. Не ме зезај! Кај работиш бе, брат? Во Формула 1.

Шета еден министер со сопругата. Поминуваат покрај еден чистач и таа го поздравува. Кој е овој? прашува министерот. Соученик. Порано многу ме сакаше, дури ми предложи и да се омажам за него… Ха! Ако си се согласела тогаш, сега ќе беше сопруга на чистач! Грешиш. Ако се согласев тогаш, сега тој ќе беше министер.

На брегот на реката седи нервозен рибар. Кон него се приближува некаков турист: Фати ли нешто? Да! мрачно одговара рибарот. Фатив еден и го фрлив во реката. Сигурно бил малечок? Да, од прилика колку тебе и исто така љубопитен.

Малиот Перица го прашува наставничката: Перица, кој е главен град на Македонија? Перица како од пушка: Прилеп, наставничке! Наставничката: Каков црн Прилеп, бре? Од каде Прилеп главен град на Македонија? Перица: Па, викаат дека сме банана држава, затоа.