Меси по 7-ми пат ја освои Златната топка – сите зборуваат за изразот на лицето од Мбапе кога беше објавен победникот

Во Париз синоќа се одржа церемонијата за доделување на Златната топка која по рекорден седми пат ја освои Лионел Меси.

Меси не постигна ништо значајно со Барселона минатата година, но ја освои Копа Америка со аргентинската репрезентација.

Поради тоа многумина сметаат дека Меси не ја заслужи „Златната топка“ оваа година. Во изборот Роберт Левандовски заврши на второто, а Жоржињо на третото место.

Четвртопласиран е Бензема, на 5-то место Нголо Канте, а Роналдо заврши на 6-то место, што е најлош пласман за Португалецот од 2007 година.

На церемонијата во Париз беше интересно, а многу фудбалски ѕвезди одлучија да присуствуваат. Тука беше и Килијан Мбапе кој седеше покрај Меси, но се најде во центарот на вниманието поради реакцијата кога беше соопштено дека Меси е победник.