Home Спорт Името на Рафа Надал повторно поврзано со обвинувања за допинг

Името на Рафа Надал повторно поврзано со обвинувања за допинг

Поранешниот претседател на антидопинг агенцијата на Франција, Жан-Пјер Верди изнесе скандалозни обвинувања кон Рафаел Надал.

Шпанецот секако важи за еден од најдобрите тенисери во историјата, посебно негов терен е Ролан Гарос каде што 13 пати стигнуваше до пехарот. Според зборовите на Верди, Надал никогаш не паднал на допинг, но правел проблем кога требало да се тестира.

„Секое тестирање на Надал беше како да си направил злосторство кон човештвото. Единствено во 2009 година ни беше дозволено да го тестираме иако и тогаш имаше непријатности. Тони Надал беснееше по нас“, зборува Верди.

Медиумите кои ја пренесуваа оваа изјава на Верди потсетуваат и на 2016 година. Тогаш хакерска група дојде до официјални податоци за тоа дека Надал користел сомнителни супстанци. Обвинувања кон Надал за допинг имаше и во 2013 година од страна на француската министерка за спорт Росалина Башело.

Вчитај повеќе поврзани статии
Comments are closed.

Check Also

Прва светска титула во кошарка за Германија

Германската кошаркарска репрезентација на сензационален начин стигна до својата прва титул…