Светскиот фудбалерски ас и еден од најбогатите спортисти на денешницата, Кристиано Роналдо, поради пандемијата на коронавирусот со семејството се самоизолираше во родната Португалија.
Роналдо со семејството е во самоизолација во супер ексклузивната куќа во родната Мадеира. На португалскиот остров Кристиано изградил луксузна куќа – градба која претставува последен збор на архитектурата.
Грандиозниот објект се наоѓа на самиот брег и има неверојатен поглед, кој остава без здив.
Кристијано и семејсвото биле тестирани на коронавирусот и иако тестовите биле негативни тие од безбедносни причини одлучиле да се самоизолираат.
Инаку, големиот Кристиано Роналдо е вклучен во битката против коронавирусот и во родната Португалија сите свои хотели ги пренаменил во болници во кои министерството за здравство на Португалија во недостаток на капацитети би сместувало заболени од коронавирусот.
