Во 1975 година, на кино, го загубила паричникот – ѝ го вратиле дури денес, 46 години подоцна

Колин Дистин од Вентура била во раните дваесетти години од животот кога во 1975 година го изгубила паричникот во киното „ Majestic Ventura Theater “. Во него имало неколку семејни фотографии и чек од 200 долари, а наводно ѝ паднал низ дупката во нејзината чанта, пишува Асошиејтед прес.

„Се сеќавам дека го повикав киното следниот ден кога сфатив дека ми го нема паричникот“, изјавила Дистин за Ventura County Star. „Тие рекоа дека никој не го нашол, туку подоцна да се јавам, што го направив“, додаде таа.

Но, Дистин го добила нејзиниот паричник дури 46 години подоцна, откако работник кој го реновирал историското кино го пронашол во просторот за ползење. „Никогаш не можев да го замислам тоа“, рече Том Стивенс, вработен, откако го нашол паричникот.

Иако во него немало пари, внатре имало билет за концертот на Grateful Dead од 1973 година, стари фотографии и возачка дозвола што истекла во 1976 година.

Стивенс ја нашол Дастин со помош на социјалните мрежи и и го вратил паричникот. Таа вели дека била возбудена и не очекувала дека повеќе ќе го види паричникот. Додава дека нејзиниот паричник ја вратил назад во еден вид патување низ минатото. “Почнувате да ги гледате работите и се враќате во минатото. Како временска капсула”, рече таа.