Совети за на работно место: Пазете се од овие „видови“ на колеги


Спасе Манев (Патувања низ Македонија): Ги откриваме скриените убавини на Македонија ↓↓↓


Половина од денот го поминуваме на работното место, опкружени со најразличен вид на луѓе. Сите имаме различни карактери, па кон сите треба да се однесуваме различно.

Сепак, постојат „токсични“ луѓе, од кои можеби е подобро да држите извесна дистанца.

Оној кој постојано се жали

Постојат два начини да се соочите со нив: да се воздржите или да му го намалите жалењето.

Со овие луѓе не треба да се полните со негативноста која тие ви ја шират, туку баш напротив, покажете му пријателски став и држете ја конверзацијата на некое ниво, не многу длабоко и лично. Можеби ќе почувствувате потреба дека токму на оној кој што се жали му треба некој да го сослуша, сепак ако се зближите премногу со личноста може да станете и вие како него.

Ако не треба редовно да работите со овој вид на работник, лесно е да го избегнувате. Сепак ако мора да работите заедно бидете постојано позитивни и немојте многу да се грижите за неговото мислење.

Оној кој оговара

Оговарачите ќе ве натераат да влезете во нивната игра и да почнете заедно да трачарате. Сепак, може учтиво да му кажете дека не сакате да сте дел од нивната „екипа за оговарање“. Ако не го направите ова и продолжите да се дружите со нив, ќе почне да се шири информација за вас дека не сте личност од доверба.

Токму затоа внимавајте што и на кого му кажувате важни работи. Поточно, размислете пет пати пред да кажете нешто.

Оној кој не работи

Во речиси секоја фирма постои овој работник. Тешко е да работите со личност која не се нервира толку многу за работата и која не дава се од себе, особено ако вие сте вреден и посветен работник.

Поради тоа избегнувајте да работите на заеднички проекти со оние колеги кои не работат. Немојте да ги навредувате, само кажете им дека повеќе би се вклопиле во друштво со некој друг колега. Не сте должни вие да ја завршите целата работа или постојано да потсетувате некој друг за да работи, кога тоа време можете да го искористите за работа.