Шанса да станеш YouTuber! Приклучи се! ↓↓↓
Познатиот српски актер и сопственик на приватна актерска школа за деца, Мирослав Мика Алексиќ, беше привиден во полициска станица по обинувањата од актерката Милена Радуловиќ (26), која објави дека ја силувал неколку пати кога имала 17 години. Таа решила да не молчи и да ја сподели со јавноста оваа ужасна вест, пишуваат српските медиуми.
Српската актерка, Милена Радуловиќ, која паралелно гради кариера и во Русија, отворено за српски Блиц раскажува низ што се поминала во престижното училиште за глума на познатиот актер и режисер Мика Алексиќ.
-Ме злоставуваше прв пат кога имав 17 години, тој имаше 61. Се погрижи сексуалната злоупотреба да се случи за време на час, но во просторија покрај онаа каде што беа другите студенти, или во периодот кога работата се интензивира поради прием во ФДА. Не остави простор никој да се сомнева дека таму се случува нешто толку страшно. Планираше сè внимателно. Ја искористуваше ситуацијата додека сме во шок. Освен што сето ова ви се случува, секогаш постоеше страшно чувство дека во близина има еден куп други деца. Најстрашно е што теренот го подготвува со години, од раното детство, чудовиште, а девојките кои се со мене и јас, ние не можаме да дозволиме некој да го доживее тоа што ни се случи нас.
Ова не е одмазда, иако таа фаза постоеше и кај мене, но заврши многу одамна. Сите ние, жртвите на Мирослав Алексиќ, влегуваме во ова затоа што е недозволиво да молчиме уште еден ден. Некои девојки, родени 2003 или 2004 година поминуваат низ ваков вид на тортура. Очекуваме поддршка, бидејќи никој не смее да ја поддржи педофилијата. Станува збор за силување на малолетници кои со години биле во контакт со монструозен манипулатор, кој не само што манипулирал со девојчиња, со неговите ученици, со нивните родители, туку и со целото општество, секоја личност што го слушнала славното име и имала позитивно директно или индиректно мислење за овој човек е негово жртва колку и ние, раскажува Радуловиќ.
„Групата имаше добри страни. Читавме една книга неделно или гледавме филмови, бевме културни деца. Во групата се пропагираше религија и часовите почнуваа со „Оче наш“. Девојчињата доаѓаа во здолништа, момчињата мораа да носат чевли, ноктите и косите мораа да ни бидат уредни. Ама секогаш беше строго, сурово..Сите викаа, добро строг е Мика, ама таков е тој, има свои методи. Имаше јасни правила. Аудициите за деца беа масовни. По неколку стотини деца се пријавуваа, во зависност од генерацијата, а Алексиќ бираше 7-8 најталентирани.
Веднаш по приемот Алексиќ разговараше со родителите за да ги информира околу часовите, цената, кодексот на облекување и послебно нагласуваше една работа „дека ова е прв и последен пат што се гледа со нив“. Велеше дека децата се мали луѓе, дека се самостојни и дека ова нешто што е само нивно…изјави Радуловиќ.
