Навивачите од Бенфика до солзи го трогнаа Јаремчук (снимка)

Неверојатна сцена беше видена вчера вечер на стадионот во Лисабон, а во главна улога беше украинскиот напаѓач Роман Јаремчук.

Овој 26-годишен фудбалер во игра влезе во 61. минута во натпреварот против Виторија Гуимараеш, а потоа видена е поддршка каква што фудбалскиот свет не памети. Комплетниот стадион застана на нозе и подигнаа пораки за поддршка на Украина која е нападната од Русија.

Емоциите едноставно беа премногу, па украинскиот напаѓач не издржа да не пушти солзи.