Маск продаде уште „една тура“ акции од Тесла „тешки“ 1,02 милијарди долари


Спасе Манев (Патувања низ Македонија): Ги откриваме скриените убавини на Македонија ↓↓↓


Првиот човек на Тесла, Илон Маск, продаде уште 934.090 акции од технолошкиот гигант, или околу 1,02 милијарди долари сопственички удел во компанијата за електрични автомобили и неговата компанија која се занимава со соларна енергија, покажуваат финансиските податоци објавени доцна синоќа на Волстрит.

Во исто време, Маск ги искористи опциите за купување на скоро 1,6 милиони акции на Тесла по фиксна цена од 6,24 долари по акција, која му беше доделена како надомест во пакетот за компензација во 2012 година, бидејќи не прима плата и парични бонуси, јави Си-Ен-Би-Си.

Со користењето на опциите, чиј рок истекува следната година, Маск го зголеми својот удел во Tesla овој квартал од околу 170,5 милиони акции на над 177 милиони акции, јави Вол Стрит Џурнал.

Шефот на „Тесла” почна да продава акции на 8 ноември, делумно за да ја намири даночната сметка што му следува врз основа на опции.