Кралот недостижен за останатите: Лазаров најдобар стелец на СП!


Вака се слави гол во 120-та минута!!! ↓↓↓


Капитенот на македонската репрезентација, Кире Лазаров е најдобриот стрелец на СП во Франција. Со 50 постигнати погодоци на шест натпревари, Лазаров беше недостижен за другите ракометари, кои дел од нив одиграа и по три натпревари повеќе.

Ова е трет пат Кире Лазаров на биде најдобар стрелец на светските и европските првенства, што само го оправдува неговиот статус за најдобар десен бек во светот.

Првото признание беше во Хрватска на СП 2009, кога постави нов рекорд со 92 погодоци од девет натпревари. Второто признание беше три годони подоцна на ЕП 2012 во Србија, кога стана рекордер со 61 постигнат гол.

Статистики кои зборат за големината на нашиот капитен, кој продолжува да соборува рекорди на клупско и репрезентативно ниво.