Џенаро Гатузо дефинитивно го „препороди“ Милан и синоќа запиша голема победа на гостувањето кај Рома.
„Росонерите“ немаат пораз во 12 последователни натпревари и се приближија до местото кое води во Лигата на шампиони.
„Беше ова една тешка борба, доста се мачевме во првото полувреме, а во вториот дел пробавме да играме поразличен фудбал. Мислам дека Рома е добар тим и моравме да се бориме до самиот крај за да дојдеме до победа“, изјави Гатузо.
„Пресуден беше менталитетот и тоа што знаеме да страдаме во одредени моменти, а потоа да реагираме. Важно е тоа што овие момци многу работат во текот на неделата, а на терен се гледа тимската игра“, додаде Гатузо кој му порача на тимот да стои цврсто на земја.
„Ова е навистина голема победа, но треба да бидеме на земја и да не заборавиме какви циркузи правевме протув Беневенто и Верона. Овој тим вреди многу и можеше да направи повеќе оваа сезона. Знаев дека овој тим е квалитетн, но разликата ја прави менталната сила“, заклучи Гатузо.
