Трпчевски со македонски дрес на концерт во чест на фудбалската репрезентација

Најдобриот македонски пијанист со светско реноме, Симон Трпчевски, вчера, на концерт во Букурешт, на кој специјални гости беа македонските фудбалски репрезентативци и членовите на стручниот штаб, во организација на македонската Влада и нашата амбасада во Букурешт, настапи во дрес на македонската фудбалска репрезентација.

Тој е голем обожавател и навивач на македонската репрезентација и беше присутен на мечот против Австрија, а сигурно ќе го гледа во живо и дуелот со Украина.

Во меѓувреме, на синоќешниот концерт пред романската публика свиреше во дрес од македонската репрезентација.