Денес напладне, во 12 часот, во Претседателската резиденција на Водно, Претседателот на државата г. Стево Пендаровски му го врачи високото државно одликување „Орден за заслуги за државата“ на Бигорскиот манастир „Св. Јован Крстител“, по повод 1000-годишнината од неговото основање.
На свеченоста свое обраќање имаа македонскиот претседател Пендаровски и игуменот на манастирот, епископот г. Партениј, а настапи и бигорскиот монашки хор.
