„Дожд“ од врели карпи врз туристите: Најмалку пет загинати во ерупција на вулкан на Нов Зеланд

Црниот биланс од ерупцијата на вулан на новозеландскиот Бел Остров (White Island) засега изнесува најмалку петмина загинати и над 20 исчезнати.

Жртвите се туристи, кои во поголема група била видена како шета околу вулканот на Вајт Ајленд непосредно пред тој да еруптира.

Од островот се спасени 23 лица. Пет починаа од добиените повреди, а 18 се во болница, како исчезнати се водат повеќе од 20 луѓе.

Кога вулканот еруптирал, луѓето кои стоеле во негова близина најверојатно искусиле облаци од жешка пареа, отровни гасови и уривање на опасни карпи, јавува Си-ен-ен.

Според вулканологот Џесика Џонсон од универзитетот Ист Англија, отровните гасови биле толку интензивни што туристите можеле да почувствуваат мирис на хемикалии.

„Од вулканот, во чиј кратер се наоѓаше кисело езеро, веројатно излегувала жешка пареа, а поради ерупцијата се уриваа карпи“, кажа Џонсон.

Таа смета дека повеќето повреди нстанале поради самата експлозија, а помал дел од изгорениците биле предизвикани од пареата.

My god, White Island volcano in New Zealand erupted today for first time since 2001. My family and I had gotten off it 20 minutes before, were waiting at our boat about to leave when we saw it. Boat ride home tending to people our boat rescued was indescribable. #whiteisland pic.twitter.com/QJwWi12Tvt

— Michael Schade (@sch) 9. Dezember 2019

Дерек Вајман, геолог од универзитетот на Сиднеј, верува дека вулканот при ерупцијата исфрлил материјал кој имал околу 1.000 Целзиусови степени.