Во дерби дуелот од групата Д во рамки на Светското фудбалско првенство во Русија, Хрватска беше комплетно далеку подобра од Аргентина и обезбеди пласман во осминафиналето, додека Гаучосите со само еден освоен бод досега се пред елиминација.
Во првото полувреме силите на теренот беа израмнети без многу шанси на двете страни. Аргентина го имаше поседот на топката, но најзрелата шанса ја имаше Манџукиќ кој биеше непрецизно со глава од пет метри.
Во второто полувреме се започна со киксот на Кабаљеро, кој со непромислен потег му ја подари топката на Ребиќ, а овој на мајсториски начин ја смести во голот за водство од 1:0.
Тогаш Сампаоли фрли се на една карта и во игра ги стави Дибала, Игуаин и Павон, а тоа им отвори простор на „коцкестите“.
Најпрво следуваше фантастичен гол на Лука Модриќ од дваесетина метри, а печат на победата стави Ракитиќ во 92-та минута за конечни 3:0.
GOLAZOOOOOO!!!!! LUKA MODRIC TAKE A BOW!!! #ARGCRO pic.twitter.com/PrLIzKPzOd
— FIFA World Cup (@WorIdCupUpdates) June 21, 2018
Учество во игри на среќа е дозволено за лица со 18+ години. Играј одговорно!