Добар сум, не се грижете за мене и им благодарам на сите за поддршката и разбирањето на моите ставови кои се во насока на зачувување на интересите на државата и евроатланската перспектива на сите нас, вели пратеникот Кастриот Реџепи преку видео порака објавена на неговиот фејсбук профил откако Беса дури и во полиција пријави негово исчезнување, а без чиј глас, засега, не е можно на Владата да ѝ биде изгласана недоверба во Собранието.
„Претседателот Биљал Касами и останатите во Беса немаат потреба да бидат загрижени, јас сум добро и на сигурно, јас сум со Албанците и со сите граѓани на државата кои сакаат мир, слобода и просперитет во земјата и продолжување на НАТО и ЕУ курсот. Имам извесни закани од некои лица, но откако тоа ќе биде минато ќе се појавам пред медиумите. Да се ангажираме сите за добро на државата, народот и демократијата, на сите, Албанци, Македонци и сите други кои живеат во Северна Македонија. Се гледаме наскоро. Ви благодарам“, порача Реџепи.
Учество во игри на среќа е дозволено за лица со 18+ години. Играј одговорно!