Спорт

Видео: Јокиќ со трипл-дабл го сруши вицешампионот!

Младиот српски центар Никола Јокиќ со вториот трипл дабл во кариерата го сруши најдобриот тим во лигата Голден Стејт Вориорс, во натпревар во кој Денвер го победи вицешампионот со 132:110.

Денвер против лидерот во НБА лигата одигра совршен меч го израмни рекордот во лигата според бројот на постигнати тројки (24/40). Идентичен број на тројки сезонава уфрли и тимот на Хјустон но од 61 обид.

Јокиќ блескаше со трипл дабл од 17 поени, 21 скок (рекорд на кариерата) и 12 асистенции. 21-годишниот центар сам имаше само шест скокови помалку од целиот тим на Голден Стејт.

Филаделфија со одличниот Дарио Шариќ го победи Шарлот на гостински терен со 99-105, а Хрватот одигра комплетен натпревар со 18 поени и 11 скока.

Резултати: Шарлот – Филаделфија 99:105, Индијана – Сан Антонио 106:110, Бруклин – Мемфис 103:112, Мајами – Орландо 107:116, Милвоки – Детроит 102:89, Вашингтон – Оклахома 120:98, Далас – Бостон 98:111, Денвер – Голден Стејт 132:110, Феникс – Њу Орлеанс 108:110, Јута – ЛА Клиперс 72:88, Портланд – Аталанта 104:109.

To Top