Ема Стоун викендов повторно се појави на сцената на „Сабота навечер во живо“. Актерката, која има 38 години и досега петпати била домаќинка на шоуто, му се придружи на овонеделниот водител Друски за време на неговиот воведен монолог во саботата, на 7 ноември.
Двајцата играат во претстојниот филм „The Catch“.
„Јас сум жив доказ дека можеш да веруваш во себе и да си ги оствариш соништата“, рече Друски во монологот. „Штотуку го завршив снимањето на мојот прв филм, со Ема Стоун, а таа е тука вечерва.“
Кога Стоун излезе на сцената, тој додаде: „Во новиот филм што го снимивме, јас го играм нејзиниот љубовен партнер.“
„Мислам дека погрешно си ги протолкувал тие сцени, бидејќи во филмот не играме љубовна двојка“, му одговори Ема. „Но сега ми станува појасно зошто ме гледаше така во сите тие сцени.“
„Веројатно затоа и не се бакнавме“, возврати тој, а таа потврди: „Да.“
„Ако има втор дел, ќе го средиме и тоа“, додаде Друски.
Тој ѝ кажа и дека многу му се допаднала во „Бугонија“. Кога таа го праша: „Навистина?“, се пошегува: „Не, само сакав да бидам првиот црнец што го кажал тоа.“
Што се знае за „The Catch“?
Режисер на новиот филм со Ема и Друски е нејзиниот сопруг, Дејв Мекери. Деталите за приказната засега се чуваат во тајност, но според „Дедлајн“, станува збор за романтична комедија со бејзболска тематика, во духот на „Bull Durham“ и „Нотинг Хил“. Ема ја игра „најомразената жена во бејзболот“.
Според истите информации, Друски ќе го глуми нејзиниот телохранител.
Во актерската екипа е и Крис Пајн, а Ешли Падиља од „Сабота навечер во живо“ ја игра сестрата на ликот на Ема. Друски и Крис беа забележани заедно на снимањето во август.
Извор: Just Jared
Учество во игри на среќа е дозволено за лица со 18+ години. Играј одговорно!