Спорт

Варди повторно во акција, еврогол на Дринквотер – „Лисиците“ го растурија Ливерпул

Фудбалерите на Лестер на домашен терен ја победија екипата на Ливерпул со резултат од 3:1 (2:0) во 26 коло ор Премиер лигата.

Ова беше прв меч за „Лисиците“ после заминувањето на Клаудио Раниери од местото на менаџер. Сепак, промената на тренерот и овој пат делуваше позитивно за една екипа, бидејќи Џејми Варди и неговите соиграчи повторно проработија како во најдобрите шампионски денови.

Најдобриот играч во Премиер лигата за минатата сезона го постигна првиот гол во оваа година (последно беше стрелец во декември кога постигна хет-трик против Манчестер Сити), а со наредниот ја дотолчи екипата на Јирген Клоп.

Од декември Варди одигра седум мечеви, на три беше суспендиран, а вчера потсети на неговиот најдобар шампионски период со што ја вжешти атмосферата на Кинг Пауер.

Варди во 28-та минута им побегна на одбранбените играчи на Ливерпул и ја погоди мрежата за 1:0. Во 38-та минута Дринквотер го постигна еден од најубавите голови оваа сезона во Премиер лигата, фаќајќи еден страшно добар волеј од над 25 метри и совладувајќи го голманот на Ливерпул на атрактивен начин.

На истекот од еден час од играта, Варди се најде на вистинското место во вистинско време и после центаршутот на Фукс со глава погоди за недостижни 3:0. Во 68-ма минута Кутињо со прецизен удар од 20-тина метри ги постави конечните 3:1.

Advertisements
To Top