Тројца загинати во тешка сообраќајка кај Зајас

Три лица загинаа во тешката сообраќајна несреќа што синоќа се случи кај селото Зајас, Кичевско.

Според неофицијални информации, автомобил Форд удрил во трактор, кој возел по патот без светла. Тракторот бил натоварен со дрва, па според првичните информации, силината на ударот била фатална.

Во Фордот кој се движел од правец на Гостивар се превезувале три лица на возраст од 17 години, 19 и 45 години. Сите биле жители на соседното село Колари.

Ударот со тракторот бил кобен за сите тројца, додека возачот на тракторот поминал со полесни повреди.

Повеќе детали за страотната сообраќајка МВР ќе соопшти во текот на денешниот ден.