Мајкл Б. Џордан и Остин Батлер снимаат ноќни сцени за „Мајами вајс ’85“ во Њујорк

Мајкл Б. Џордан и Остин Батлер продолжуваат со работата на нивниот нов филм, „Мајами вајс ’85“.

Двајцата актери беа забележани како снимаат сцени покрај вода во Њујорк, вечерта на 2 ноември. Со нив беше и друг актер, кој на реверот носеше полициска значка.

Според досегашните информации, дејството на филмот ќе биде сместено во средината на осумдесеттите години. Приказната е инспирирана од пилот-епизодата и првата сезона на оригиналната телевизиска серија.

Во фокусот ќе бидат детективи што работат под прикритие во Мајами, во период обележан со трговија со дрога и корупција.

Режијата му е доверена на Џозеф Косински, режисерот на „Топ ган: Маверик“ и „Ф1“. Сценариото го напиша Ден Гилрој, кој работел на „Најткролер“ и „Андор“.

Кинопремиерата на „Мајами вајс ’85“ е закажана за 19 мај 2028 година, а филмот се снима за ИМАКС. Неодамна беа објавени и првите фотографии од двајцата главни актери.

Снимањето трае веќе неколку недели. Батлер беше забележан на сетот со уште неколку колеги од актерската екипа и на почетокот на октомври.

Извор: Just Jared