Тригодишно девојче два пати го прогласиле за мртво и дури на нејзиниот погреб откриле дека е живо

Семејството на 3-годишната Камила Роксана Мартинез Мендоза ја тужи болницата поради небрежност затоа што го прогласиле девојчето за мртво иако тоа било живо, пишува Ел Универзал Сан Луис Потоси, а пренесува американски Фокс.

На 17 август Камила била однесена во болницата Салинас де Хидалго поради дехидрација. Девојчето повраќало, имало стомачни болки и треска.

На Камила наводно и дале парацетамол и била пуштена од болницата. Но, родителите на Камила забележале дека нејзината состојба се влошува, а приватен лекар ѝ дал упат за повторно да биде примена во болницата во Салинас де Хидалго, откако тој не можел да помогне.

Мајката на Камил тврдела дека нејзината ќерка била запоставена од болничкиот персонал за време на нејзината втора посета. Таа вели дека им било потребно долго време да ја стават на кислород и дека се мачеле да ѝ дадат интравенски течности.

„Не ѝ ставија затоа што не можеа да ѝ ги најдат малите вени. Конечно, медицинската сестра го направи тоа”, изјавила Мери Џејн Пералта за El Universal San Luis Potosi.

Камила на крајот била однесена во заклучена просторија каде Мери не можела да ја види, тврди трауматизираната мајка. Тогаш болницата констатирала смрт на тригодишното девојче.

Пералта рекла дека пред да ја одведат Камила, сè уште чувствувала како нејзината ќерка ја гушка.

„Се уште ме гушкаше, ја одведоа и ми рекоа „Мораш да ја оставиш да почива во мир“, се сеќава Пералта.

На погребот на Камила следниот ден, Пералта забележала кондензација на стаклениот капак од ковчегот на нејзината ќерка. Пералта извикала дека Камила сè уште дише, а другите луѓе на погребот ѝ рекле дека халуцинира од тага.

Бабата на Камила тогаш сфатила дека очите на девојчето се движат. „Починатото“ девојче наводно имала пулс од 97 отчукувања во минута. Камила потоа итно била пренесена во болница каде по извесно време по втор пат била констатирана смрт.

Нејзината мајка паднала на 35 отчукувања во минута во амбулантата. Првата причина за смртта е наведена како дехидрација, додека втората била церебрален едем или оток на мозокот.

„Не сум лута на лекарите кои презедоа екстремни мерки“, рече Пералта за тужбата. „Барам само да се сменат лекарите, медицинските сестри и директорите за да не се повтори ова. Државното обвинителство на Сан Луис во моментов го истражува целиот случај.