Меган Маркл ќе гостува во австралискиот „Јуниор Мастершеф“ во 2027 година

Меган Маркл повторно ќе се појави на телевизија, овојпат како специјална гостинка во австралискиот „Јуниор Мастершеф“ во 2027 година, објави „Пипл“.

Иако претходно се пишуваше дека војвотката од Сасекс ќе ја води емисијата, според списанието, таа планира неколкунеделен престој во Австралија со семејството — принцот Хари и нивните деца, принцот Арчи и принцезата Лилибет.

„Во април си поминав прекрасно со целиот тим на ‘Мастершеф’, па кога ме поканија повторно да дојдам и да работам со овие млади таленти, без двоумење прифатив“, изјави Меган во соопштението. „Сакам да готвам со моите деца, па сигурно ќе биде многу забавно да видам што создаваат овие млади ѕвезди во кујната. Едвај чекам да видам што ќе зготват!“

Според продуцентите, Меган ќе ѝ се придружи на водителката По Линг Јео во работата со „следната генерација млади кулинарски таленти“.

„Снимањето со Меган претходно годинава ми беше прекрасно искуство и навистина ќе ми биде задоволство повторно да работиме заедно“, изјави По. „Едвај чекам да ги запознаам нашите мали кулинарски авантуристи — очекувам многу вкусни изненадувања, но и по некоја палавштина.“

Меган веќе гостуваше како членка на жирито во австралискиот „Мастершеф“ претходно годинава.

Извор: Just Jared