Ноќеска Југохром ги гаси печките поради рокот за филтрите

Ќе се гасат печките во Југохром. Од ноќеска на полноќ компанијата ќе престане со работа. По вчерашното барање за затворање на инспекторатот за животна средина заради истекувањето на рокот за поставување филтри, ќе се одлучува што ќе се случува со 700 вработени, истакна генералниот директор на Југохром Васко Скендеровски.

Министерот за животна средина Башким Амети вчера оствари средба и со градоначалничката на општина Тетово Теута Арифи кои се согласија дека оваа одлука е во прилог на сите граѓани на Полошко, иако е тешко донесена заради големиот број на вработени.

Од Југохром велат дека причина за пролонгирањето на постапката за поставување филтри е административната работа. Скендеровски рече дека дури во јули годинава ја добиле градежната дозвола, но ќе бараат уште едно одложување на рокот за 18 месеци, за конечно да бидат поставени филтрите.