Манчестер Јунајтед го доживеа еден од најболните порази во поновата историја и тоа од најголемиот ривал Ливерпул (0:5).
Одбраната на Манчестер Јунајтед направи неколку аматерски грешки, па „црвените“ ги казнија и лесно стигнаа до предност од 2:0 уште после 15 минути игра.
Кеита уште во 5-та минута погоди за 1:0, а неколку минути подоцна Жота зголеми на 2:0, после уште една грешка на одбраната на Јунајтед.
Во последните пет минути од полувремето Салах постигна два гола и најави дебакл на Манчестер Јунајтед. На самиот старт на вториот дел Египќанецот го комплетираше хет-трикот и погоди за 5:0.
„Црвените ѓаволи“ во 60-та минута останаа со играч помалку кога Погба доби црвен картон поради грубиот старт над Кеита.
После овој срамен пораз на Јунајтед се засилија шпекулациите за отказ на Оле Гунер Солскјер, а и навивачите бараат од тренерот да си замине.
