Кој ќе тепа на Ел Класико!? ↓↓↓
Со примена на нов вид модуларен градежен систем кој го користела во градежничките работи, кинеска компанија успеа да изгради зграда од 10 ката за само 28 часа и 45 минути.
Концептот „жива зграда“ развиен од Брод Груп звучи како да може навистина да се направи револуција во градежната индустрија, пренесува Oddity Central.
Имено, зградата била подигната од три кранови и голема работна сила за рекордно време, откако сите делови биле изработени во локалната фабрика на компанијата и биле пренесени со камиони.
Вистинската иновација зад најновиот производ на компанијата е концептот за градење куќи како автомобили. Сè е произведено и склопено во најсовремена фабрика во Чангшу, а потоа се транспортира до посакуваното место за монтажа.
Откако контејнерите ќе пристигнат на посакуваната локација, потребен е само „крајно едноставен“ процес на инсталација што вклучува затегнување на модулот за обликување на зградата и поврзување на електричната енергија и водовод. Компанијата исто така неодамна демонстрира и монтажа на една таква зграда, а видеото импресионира многумина на социјалните мрежи.ѓ
Според кинеската компанија, структурата од не’рѓосувачки челик е 10 пати полесна и 100 пати посилна од конвенционалните згради и е отпорна на „мега-земјотреси и тајфуни“. Исто така е значително поевтино да се гради од традиционалните конструкции и згради од карбонски челик, благодарение на голем дел од поедноставениот процес на производство.
Исто така, благодарение на изолацијата со дебелина од 22 см, три или четири стаклени стакла и интелигентен систем за обновување на топлината, трошоците за енергија на „живата зграда“, наводно, се значително помали, дури пет до десет пати, тврди компанијата.
Покрај тоа, тие тврдат дека 100% од конструкцијата од не’рѓосувачки челик е 30 пати поотпорна на корозија од карбонскиот челик и очекуваат да трае до 1000 години.
