Шанса да станеш YouTuber! Приклучи се! ↓↓↓
Во Италија постои правило дека тимот со најдобра одбрана готово секогаш го освојува Скудетото, а најдобар пример за тоа е Јувентус кој секогаш се потпира на својата дефанзивна линија.
Интер го знае „рецептот за Скудето“ и следната година сака конечно да ја нападне титулата, па е спремен да потроши голема сума на пари за засилување на одбраната.
Најголем проблем за „нероаѕурите“ се бековските позиции, па раководството веќе работи на тоа. Медиумите тврдат дека трансферот на Рикардо Родригез од Волфсбург е практично договорен, што сигурно ќе биде големо засилување за левата бековска позиција.
Од друга страна Интер не се откажува од Матео Дармиан, кој би бил одлично решение за десната страна иако може да игра и лево.
Притоа „нероаѕурите“ сакаат да донесат и еден врвен стопер, а прва мета е Костас Манолас од Рома за кого се спремни да платат 45 милиони евра.
