Уствари викендов е затишје пред бура! ↓↓↓
Италијанските медиуми тврдат дека Макс Алегри постигнал договор со раководството на Јувентус за спогодбено раскинување на договорот на крајот на сезоната.
Договорот бил постигнат во јануари на задоволство на двете страни, но нема да биде објавено се до завршување на сезоната.
Алегри ќе се обиде сезонава да ја освои легендарната шестта титула во Италија и да стигне што подалеку во Лигата на шампиони, а на крајот на сезоната ќе се раздели со Јувентус.
Се погласни се шпекулациите дека Алегри ќе се пресели во Премиер лигата и ќе го наследи Арсен Венгер во Арсенал.
„Не демантирам ниту потврдувам. Сега сум фокусиран само на Јувентус. Секогаш во овој период од годината медиумите пишуваат дека заминувам дури и кога работите се одвиваат добро“, изјави италијанскиот стратег.
