Гореше најголемиот пазар за свежа храна во светот (снимка)

Во предградието на Париз избувна пожав во кој гореше најголемиот пазар за свежа храна во светот, Ранжис, јавија светските медиуми.

Пожарот избувнал во магацин на фирма за овошје и зеленчук, во средиштето на познатиот меѓународен пазар, каде има 1.200 продавачи на големо.

Огромен столб од чад, видлив со километри наоколу, се издигаше над пазарот кој се простира на 234 хектари и е популарно место за посета на туристите.

🔥🇫🇷VAL-DE-MARNE – Un impressionnant incendie est en cours dans un entrepôt de fruits et légumes du marché international de Rungis. Le panache de fumée est visible à des kilomètres à la ronde (témoins). pic.twitter.com/J8Icq0Y0eX

— 🌐Le Globe (@LeGlobe_info) September 25, 2022

Стотици пожарникари и триесет противпожарни камиони го гаснеа пожарот, а властите ги повикаа граѓаните да не одат во тој дел од градот. Според командантот на париските пожарникари, Марк Лемоан, пожарот бил локализиран, а во него изгорел голем дел од пазарот Ранжис. Никој не е повреден.