Министерот Бочварски „рипна в тавче“


Роналдо нека се пази, Мароко гази - 19 ден ↓↓↓



Македонскиот министер за транспорт и врски Благој Бочварски официјално стапи во брак со својата избраничка Маринела Серафимова. Свадбената веселба на која освен пријатели беа поканети и негови сопартијци се одржа во „Александар Палас“.

На свадбата на Бочварски беа и министерката за одбрана Славјанка Петровска, министерката за труд Јованка Тренчевска, вицепремиерката Славица Грковска како и генералната секретарка на Собранието, Цветанка Иванова.

Бочварски на свадбата го поканил и својот српски колега Томислав Момировиќ.

„Тргнав во Скопје, на венчавката кај мојот пријател и колега Благој Бочварски. На граница чекав подолго од еден час. Тоа е неприфатливо. Потребен ни е Отворен Балкан, се пожали српскиот министер за градежништво Момировиќ на социјалните мрежи.

Тој на свадбата на својот македонски колега стасал со задоцнување и објави фотографии од веселбата на Инстаграм.

Среќен брак им посака и министерот Љупчо Николовски со сопругата, кој исто така објави фотографија со брачната двојка.