Кој ќе тепа на Ел Класико!? ↓↓↓
Тренерот на ПСЖ Унаи Емери жали за пропуштената можност да ја елиминираат Барселона, но вели дека судиите со своите одлуки влијаеја на високиот пораз на неговиот тим.
Тимот на Емери имаше активен резултат се до 88-та минута, кога настана вистинска драма и Барселона постигна три гола за вкупни 6:1, што беа доволни за Каталонците да испишат нова фудбалска историја.
„Пропуштивме неверојатна можност да ја елиминираме Барселона. Во првото полувреме направивме неколку грешки, но во продолжението од мечот одигравме помирно. При 3:1 имавме две големи шанси за 3:2, а потоа следуваа судиски одлуки кои беа против нас и се изгубивме во последните минути“, истакна Емери и додаде:
„Барселона е способна да го направи ова што го направи. На овој стадион се е можно. За нив последните минути беа да се биде или не, и успеаа. Ова е негативно искуство за мене и за клубот. Треба да учиме од него“.
