„Досада“ – нова песна на Дина Јашари

Дина Јашари ја објави својата нова песна „Досада” на која е целокупен автор, додека аранжманот го направија заедно со Драги Иванов кој исто така стои зад миксот.

Досада има и свој видеозапис режиран од Борјан Стојков, снимен од Мирослав Илиќ, монтажата и продукцијата се на Давид Николовски во соработка со Пирка АВХ. Главната улога во спотот (покрај Дина) ја игра Лазар Христов, а за момент се појавува и Лука Тошев. Стајлингот е на Сара Стојчевска, во соработка со Игралиште и Cactus Design.

„Песната е направена помеѓу тие четири ѕидови каде што бев приморана да бидам, во мојата соба, во досада, во времето што застана и мислевме дека никогаш нема да се врати во нормала. Како што се гледа во видеото, правењето музика го користев како начин за убивање досада.”