Џон Клиз е легенда: „Се ставам самиот себе на црна листа пред некој друг тоа да го направи“

„Се ставам самиот себе на црна листа пред некој друг тоа да го направи“ порача култниот комичар и актер Џон Клиз откако беше закажано да се појави да одржи говор на Универзитетот во Кембриџ.

Откако еден друг говорник на Кембриџ е откажан бидејќи му откриле дека некогаш го имитирал Хитлер, Клиз побрза самиот да се стави на ѕидот на срамот бидејќи и тој имал сличен скеч во Монти Пајтон.

„Се радував што овој петок требаше да зборувам пред студентите на Кембриџ, меѓутоа слушам дека некој таму бил забранет заради имитација на Хитлер.

Жалам што истото го направив и јас на Монти Пајтон, па самиот се ставам на црната листа пред некој друг да го направи тоа.

Им се извинувам на сите од Кембриџ што се надеваа дека ќе разговараат со мене, но се надевам дека ќе можете да најдете место на кое правилата на разбудените не важат,“ пишува Клиз на Твитер.

I was looking forward to talking to students at the Cambridge Union this Friday, but I hear that someone there has been blacklisted for doing an
impersonation of Hitler

I regret that I did the same on a Monty Python show, so I am blacklisting myself before someone else does

— John Cleese (@JohnCleese) November 10, 2021

Спорниот говорник беше историчарот по уметност Ендру Грем-Диксон, кој првично беше поканет да зборува во Кембриџ, за потоа да биде повлечена поканата. На Грем-Диксон му забележуваат за еден говор во кој го има пародирано Хитлер, како критика на неговиот расизам и анти-семитизам.