Роналдо нека се пази, Мароко гази - 19 ден ↓↓↓
Реал Мадрид и Челзи одиграа фантастичен натпревар, а „кралевите“ после продолженија успеаа да се пласираат во полуфиналето од Лигата на шампиони.
Челзи од самиот старт тргна фуриозно и дојде во водство во 14-та минута со голот на Маунт. Гостите играа со висок интензитет, создаваа многу шанси, а во 50та минута Рудгер после еден корнер погоди за 0:2.
Интересен момент за кој сигурно долго ќе се зборува се случи во 65-та минута, кога Маркос Алонсо постигна гол за 0:3.
Сепак, голот беше поништен од ВАР поради наводно играње со рака на Маркос Алонсо.
Вернер во 75-та минута одлично ја измеша одбраната на Реал и зголеми на 0:3, резултат кој во тој момент го носеше Челзи во полуфиналето.
На десетина минти до крајот следуваше магична асистенција на Модриќ до Родриго, кој ги постави конечните 1:3 и го однесе мечот во продолженија.
На крај човек на одлука беше повторно Карим Бензема, кој во првото продолжение постигна гол на асистенција на Винисиус.
