За менопаузата најчесто зборуваме преку она што го носи: жештини, ноќно потење, несоница, промени во расположението, тешкотии со концентрацијата и промени на кожата и телото. Иако овие симптоми се реални и за многу жени многу тешки, постојат и придобивки од менопаузата за кои поретко се зборува. По повод Светскиот ден на менопаузата, кој се одбележува на 18 октомври, важно е разговорот за овој период да се прошири и надвор од симптомите и начините на нивно ублажување.