Ѕвездата на Ајакс, Едсон Алварез вели дека славната актерка Салма Хајек го убедувала да потпише за францускиот Рен, каде што нејзиниот сопруг е сопственик.
Алварез сепак ја одбил славната актерка и остана во холандската престолнина, иако бил поласкан од повикот на неговата соранодничка.
Селма е сопруга на Франсоа Анри Пино, претседателот на корпорацијата Керинг, која во свое сопственишво го има францускиот прволигаш Рен.
„Беше тешко да се одбие Рен, но на крајот немав сомнежи дека сакам да останам во Ајакс. Сакам да играм во Лигата на шампиони против големи клубови, а пред оваа сезона бев стартер само шест месеци и немав доволно време да се докажам. Како позната сонародничка, таа ми се јави и се обиде да ме убеди да отидам во Франција. Тоа ме изненади и ми поласка, но и објаснив дека сакам да останам во Ајакс“, откри 23-годишниот Алварез.
