Гласините дека славната манекенка Хајди Клум и 16 години помладиот гитарист Том Каулиц се во врска е потврдена со фотографии на кои се фатени како се бакнуваат.
Хајди Клум веќе не може да ја крие врската со нешто повеќе од деценија и пол помладиот гитарист на Tokio Hotel, Том Каулиц. Гитаристот отиде во посета на својата повозрасна девојка за време на паузата од снимањето на шоуто America’s Got Talent, каде беа „фатени“ од објективите како се бакнуваат.
44-годишната манекенка минатата година ја прекина врската со 31-годишниот трговец со уметнички дела и сопственик на галерија, Вито Шнабел, поради наводни неверства од негова страна.
Хајди од 2005 до 2014 година беше во брак со музичарот Сил. Мајка е на четири деца, но и понатаму има тело спремно за на модна писта.
