Експертите потврдија дека Торинското платно е прекриено со крвта од жртвата која била подложена на мачење, што оди во прилог на теоријата дека во него бил завиткан и погребан Исус Христос.
Утврдено е дека ова платно содржи наночестички кои не се типични за крвта од здрав човек. Ова би требало да ги побие тезите дека лицето од Исус на платното го насликале средновековни фалсификатори.
Џулио Фанти, од универзитетот во Падова, објасни дека крвта на платното содржи доста високо ниво на честички од креатин и феритин, кои можат да се најдат во крвта од пациентите кои поминале низ трауми како што е мачењето.
„Присуството на овие честички укажува на насилна смрт кај мажот кој бил замотан во Торинското платно“, вели тој за Daily Mail.
Торинското платно долго три метри и широко еден метар е своевиден артефакт на кој се наоѓаат бледи отисоци од машко лице за кое христијанскиот свет верува дека бил Исус Христос.
Платното моментално е изложено во катедралата Свети Јован Крстител во Торино. Папата Франциск во 2015 година, за време на посетата на Торино, се задржа во тивка молитва пред платното.
Учество во игри на среќа е дозволено за лица со 18+ години. Играј одговорно!