Купечките слатки кремови од лешници и други намирници не само што држат висока цена (барем оние кои ги сметаат за поквалитетни), туку за нив и не сме на чисто дали се сосема здрави и нештетни (а не се) за нашето здравје.
Затоа ви го даваме овој рецепт за одличен и здрав крем од лешници кој можете да си го направите со само три состојки.
Состав:
две чаши лешник (380 гр)
половина чаша јаворов сируп (125 мл)
3 лажички сурово какао во прав
Упатство:
За почеток, потребни се 10 минути печење на лешници на 180 степени. Откако ќе ги извадите од рерната, оставете ги да се оладат, отстранете ги лушпите и ставете ги во доволно силен блендер. Целта е со блендирање да се претвори во паста. Кога ќе ја добиете посакуваната структура на лешниците, додадете го јаоровиот сируп, потоа и какаото.
Вашиот здрав крем е подготвен!
Овој совршен крем може да се користи на 100 начини, но ние ви ги предлагаме палачинките.
