Американскиот режисер Квентин Тарантино во моментов го подготував филмот инспириран од убиствата на „Семејството“ Менсон, пренесуваат американските медиуми.
Тарантино расправал за проектот со познати глумци, пренесува списанието The Hollywood Reporter, а самиот тој ќе биде автор на сценариото.
Списанието кое се повикува на неименувани извори, тврди дека режисерот ги контактирал Бред Пит и Џенифер Лоренс. Легендарните продуценти Харви и Боб Венјштајн, кои со Тарантино соработуваа на неговите последни филмови, исто така ќе бидат дел од проектот.
Снимањето би требало да започне во 2018 година, иако уште не е потпишан никаков договор со дистрибутерите.
Чарлс Менсон, кој на 82 години уште е во затвор, беше главен човек на калифорниската секта „Семејството“ која уби неколку лица, меѓу кои и холивудската актерка Шерон Тејт, која тогаш носеше дете од режисерот Роман Полански.
Variety за улогата на Шерон ги споменува Џенифер Лоренс и Маргот Роби. Пит би можел да го глуми обвинителот Винсент Бугљоси, кој кривично ја гонеше сектата.
