Живот

Совети како брзо и ефикасно да ги зголемите вашите мускули

Динамичниот начин на живот, инстант општеството и културата ги прават многу луѓе нестрпливи за резултати кога станува збор за вежбањето во теретана и другите фитнес и аеробик активности. Немаат многу слободно време за тренирање, а многу сакаат што побрзо да ги нагласат своите мускули.

Ако веќе се пронаоѓате во оваа (сè поголема) група, а верувајте дека кога станува збор за вежбањето не треба да сте брзоплети и нестрпливи, тогаш еве ви неколку совети кои можат да ви бидат од корист за побрзо постигнување резултати.

1. Три пати неделно

Ако навистина сакате да видите резултати од својот напор, одработете тренинг за сила барем три пати неделно. За толку време можете да најдете, а во меѓувреме осигурајте се дека ќе имате и доволно време за опоравување, бидејќи опоравувањето на мускулите е еднакво важно за нивниот раст како и вежбањето. Важно е да се знае дека во тие три дена не треба да ги правите истите вежби, не повторувајте ист распоред, ниту пак да вежбате со иста опрема и справи. Изборот барем во тој поглед е голем.

2. Немојте само да седите

Кога ги правите вежбите за јакнеење на рацете, грбот и рамената, немојте само да седите, бидејќи многу подобри и поефикасни резултати ќе постигнете ако вежбате стоејќи или анимирајќи го и остатокот од вашето тело на друг начин.

Ако вежбате дома и не ви се достапни дополнителни справи за такво стил на вежбање, вежбајте на една нога. Така ќе мора да внимавате и на рамнотежата на телото, со што дополнително ќе ги анимирате мускулите од средниот дел на вашето тело и паралелно ќе го зајакнувате и тој дел.

Ако пак вежбата бара седење, тогаш седете на пилатес топка.

3. Немојте да користите само една килажа со теговите

Бидете свесни дека нашите мускули не се рамномерно и еднакво силни. Бицепсите, на пример, обично се поцврсти од трицепсите, па бараат вежби со поголема тежина. Затоа, ако мислите дека барањето идеален тег за секоја поединечна вежба е драгоцено губење време во теретана, сетете се дека вистинската тежина побрзо ќе ви донеси резултати, а до нив ќе стигнете со помал број на повторувања.

Затоа, тоа воопшто не е губење време, а дека не мора секој пат да го барате својот тег, пред почетокот на вежбата земете тегови со три различни тежини и држете ги во близина.

Ако не сте сигурни како да ја одберете најдобрата тежина, направете серија од 10-12 повторувања, па ако последните три повторувања ви се тешки (но, не претешки, ниту пак прелесни), тоа е вистинската килажа за вас. Но, знајте дека ниту таа килажа нема трајно да ви биде од корист, бидејќи како што ги зацврстувате и зајакнувате мускулите, така ќе се зголемува и потребата од поголема тежина.

4. Почесто бирајте вежби за цело тело

Заборавете на мислењето дека со целни вежби побрзо ќе дојдете до посакуваните резултати, па веднаш фокусирајте се на вежби за сила и развивање на цело тело.

5. Внимавајте на брзината

Јасно ни е дека сакате што побрзо да видите резултати, но знајте дека до нив често се стигнува со побавно вежбање. Тоа е она кога се фокусирате на формата, а потезите ги изведувате правилно, па понекогаш го забавувате темпото на вежбање за што подобро да ги активирате своите мускули.

Кога правите вежби со тегови, немојте цела серија да ја правите со исто темпо. Наместо секогаш да ги кревате и спуштате теговите со иста брзина, играјте си со различна динамика и темпо во секој потег. Кревајте брзо (со контрола), а спуштајте бавно, па обратно, кревајте бавно, спуштајте брзо. Или обидете се да правите паузи меѓу кревањето и спуштањето. Вашите мускули „нема да знаат“ што им се случило, а истото важи и ако правите вежби за сила на цело тело.

To Top