Кој ќе тепа на Ел Класико!? ↓↓↓
Се погласни се шпекулациите дека Пол Погба на крајот на сезоната ќе го напушти Манчестер Јунајтед и ќе се пресели во Реал Мадрид.
Денес „Скај Спорт“ излезе со информација дека Погба ова лето заедно со Азар готово сигурно ќе се преселат на „Сантиаго Бернабеу“.
И покрај фактот што Французинот игра одлично под водство на Солскјер, сепак донел ваква одлука бидејќи сака да се бори за важни трофеи, а Манчестер Јунајтед може и да не избори пласман во Лигата на шампиони.
Сепак, норвешкиот стратег верува дека и следната сезона ќе го има Погба во својот тим.
„Кога е во прашање фудбалот ништо не е сигурно, но јас мислам дека Погба ќе биде со нас и наредната сезона. Секако, не можете да гарантирате ништо во фудбалот, но ќе кажам, ДА, тој ќе биде тука. Можам да ве осигурам дека тој е одлучен во намерата да успее во Манчестер Јунајтед“, изјави Солскјер.
Солскјер потоа напомена дека нема намера да го менува Де Геа од тимот, иако Шпанецот направи неколку големи грешки во последно време.
„Му верувам на Давид и тој за мене е најдобриот играч на Манчестер Јунајтед во последните шест-седум години. Тој беше неверојатен, а сега минува низ тежок период во својата кариера. Давид ќе биде добро“, изјави Солскјер.
