Се ближи крајот: „Инфлуенсери/ките“ ќе доживеат целосна пропаст?


1/8 финале на СП: Мегваер пак е главна тема - 15 ден ↓↓↓



Стана речиси невозможно да вртиш по Инстаграм, а да не налета човек на спонозорирани содржини, на совршено наместени фотографии од некои производи или „инфлуенсери/ки“ кои продаваат вода во која се бањаат, пренесува The Next Web. Индустријата се чини незапирлива, но последните истражувања покажаа дека степеност на ангажираност на пријатели кај „инфлуенсерите“ се приближува на најниско ниво досега.

Задушениот „feed“ на Инстаграм значи дека корисниците ставаат „допаѓања“ помалку отколку претходно. Студијата која ја направи Mobile Marketer ја мереше ангажираноста на соодносот на „лајкови“ и пријатели, одноно просечниот број „лајкови“ на објава во однос на бројот на пријатели. Во 2019 година ангажираноста на спонзорираните објави паднала на 2,4 отсто од 4 отсто, колку што беше во претхоните три години.

И не се мачат само просечните „инфлуенсери“ да ги заинтересираат пријателите за „чај за детоксикација“, туку пад доживеа целокупниот степен на ангажираност. Пример, „инфлуенсерите“ во доменот на патувањата кои имаа најголем степен на ангажираност паднаа на просек од 4,5 отсто. Минатата година тој просек изнесуваше 8 отсто. Дали тоа значи дека Инстаграм платформата дојде до точка кога на нејзините корисници им е преку глава да гледаат фотографии од Бора Бора во понеделник наутро?

Но, доколку негувате соништа да станете „инфлуенсер/ка“, ова не значи дека тоа е крај за вашите желби. Студијата покажува дека степенот на ангажираност е поголем колку што имате помалку пријатели. На пример, „инфлуенсерите“ со 10.000 следбеници имаат само 3,6 отсто ангажираност на објавите, оние со 5.000-10.000 следбеници имаат 6,3 отсто степен на ангажираност. Оние, пак, со следбеници чија бројка се движи меѓу 1.000 и 5.000 имаат степен на ангажираност од 8,8 отсто.

Тоа што степенот на ангажираност кај „инфлуенсерите/ките“ вртоглаво паѓа, не значи дека дојден е крајот на нивното владеење. Постојат нови територии кои можат да се истражуваат, како TikTok, платформа за споделување на видео снимки која е појави во Кина, а потоа се прошири и во Америка.

Новите „инфлуенсери“ на TikTok наидоа на публика која не можеа да ја имаат на YouTube. Прашање е само на време кога брендовите тоа ќе го воочат како потенцијал за заработка, а нов вид на „инфлуенсерство“ допрва ќе биде роден.